الخصوصية في نظام المبيعات والمخزون

شو منحفظ عن الزبون

• اسمك ورقم هاتفك ومدينتك وعنوانك، لأنهم لازمين لتوصيل الطلب.
• طلباتك: الأصناف والأسعار والمبلغ وطريقة التوصيل، وإذا انسلّم الطلب أو رجع وسبب الرجوع.

ما في حساب دخول للزبون. البائع بيشوف إذا رجّعت طلبات قبل عنده هو بس؛ ما في قائمة مشتركة بين البائعين.

مين بيشوفها

• فريق البائع بس، كل واحد حسب دوره (صاحب الشغل، موظف الطلبات، موظف التجهيز).
• شركة التوصيل بتوصلها البيانات اللازمة للتوصيل بس (الاسم والهاتف والعنوان والمبلغ)، من البائع.
• ما في بائع بيشوف بياناتك عند بائع ثاني.
• دعم نظام بلس الفني ما بيوصل لبيانات البائع وزبائنه إلا بإذن مؤقت من صاحب الشغل، وكل دخول مسجّل.

الرسائل

البائع ممكن يبعتلك رسالة واتساب من رقمه هو («طلبك تأكد»، «طلبك طلع مع التوصيل»). النظام ما بيبعت رسائل تلقائية.

طلباتك

لتصحيح بياناتك أو طلب حذفها، تواصل مع البائع مباشرة، أو مع نظام بلس على واتساب +972594603039.